我有時好憎自己的性格缺點….超憎…..但明知唔好但久不久就發作….
有些好嬲自己的感覺….成日對自己無信心, 咁咩都做唔成啦~
明知咁既想法要改, 但當遇到困難就不經意咁逃避~
我知自己唔算蠢, 但真係未盡全力囉!
見到同學仔們都咁努力, 又咁幫忙我, 阿輝好好人, 自己整理好的NOTE又同我分享, EDWARD又咁有耐心教我讀書的方法….又教我解題目…
我琴晚竟然讀左幾個鐘就想訓覺, 今朝訓醒, 我覺得好有罪惡感….
好鬼賤格…
人地義務教你功課, 人地都唔怕累, 自己就話好累想訓覺….
讀左幾個鐘我都唔知自己吸收到幾多, 生字又未背哂… 見到床就想訓….
我諗我都係要趕自己出街讀會好D…要『懸樑刺股』至得….
我唔想令佢地失望亦唔想考得唔好, 但唔知點解我讀書好唔習中唔夠專心~
我知呢個係我性格上的一個大缺點, 有時會令身邊人好心急, 好緊張….因為下星期就測驗, 自己一半都未讀好但又好似唔多上心咁…..
自己個心好緊張, 但身體行為又唔多配合自己…..
自己又唔夠專心, 個讀書方法又係好有問題, 死讀書係無用, 學EDWARD話: 你要了解, 記主要的生字, 唔好記中文解釋, 盡量記英文, 因為答題係用英文, 要好似堆積木咁, 無論點抽問, 你都可以係個腦搵到資料堆番個城堡出來, 而唔係全部食哂D積木落肚, 但一抽問, 唔按你的方式去問, 你便堆唔番個城堡出來…要經過思考你先可以記得耐, 同運用自如, 死記的話,你用極多時間去讀都拿唔到你要的效果!
對不起大家, 對不起喔 EDWARD~
我呢兩日一定要”全心全意”咁讀書, 自閉, 背字, 試答題目…
“我知我得既, 我知我可以, 我知我有能力做好份內事取到好成績….”
留言列表