Purple@moon

琴晚到同學家中做完個group project後, 見時間尚早, 便約男友仔食個便飯, 因為這排太忙, 變得很小時間可以見他。因為離開同學家中巳經是晚上八時半,結果相約在九龍灣食飯, 途經UA戲院, 很想看一場電影, 結果去看了: 德州電鋸殺人狂-成魔之路！

 不知是否人越大胆子便越小?還是男朋友在則, 則胆小過人?片中沒有怎樣交代過殺人狂的成長之路, 為什麼他會變成這様? 所以覺得不太貼題。唯一覺得有點關係的, 是他的所謂家人, 是怎樣的將他慢慢培養至此?

因為我覺得整家人都是怪胎, 她的母親舅父等等, 將他培養成一個冷血的屠夫, 而他本身亦沒有善惡之分, 只沉醉在屠宰的過程, 由動物再引伸到人…..

內文都是把人當獵物的追殺, 屠宰然後吃掉, 把人慢慢的折磨, 要他們受盡驚嚇後才殺死…這個真人真事改編的電影, 是真有其人, 他總共殺害了三十三個人之後才被發現。

片中四名男女, 在開場時, 我曾經以為總會有一至兩個能夠逃出生天….因為兩位男士是曾經打過杖的士兵, 基本對敵人的應付能力和一些攻擊技能應該是有的, 但在戲中沒有一個能幸免, 但其實有一兩個關鍵時刻或許能令一對男女可以有一線生機, 但因為太恐怖了, 他們也亂了陣腳！

看過電影後和男友邊行邊討論, 原來在外國的犯罪率高出很多, 而且在外地的房子多設有地牢, 而鄰居相隔甚遠, 真係捉左個人困在地牢, 可以好多年都唔會有人知！

男友說:「如果萬一唔好彩遇到咁既事, 有人捉左我, 你見到就唔好來救我了！因為根本救唔到, 如果對方發現唔到你, 你仲有一線生機, 記住要逃走呀！我咁肥美, 應該可以夠佢地食好多餐…..」

聽到時我都唔知點答佢, 點會有人諗埋咁既野嫁, 我話:「通常遇到咁既事,如果係戀人, 點會放低對方不理呢, 如果仲覺得有一線生機, 都會想法子去救人嫁, 唔會咁快放棄！雖則個女主角真係低低地, 人地用長釘將佢男友釘係木板上準備劏, 佢竟然用縲絲批仔去意圖想起粒長釘。」

男友話：「係啦！屠房入面乜刀都有, 對方拿的是電鋸, 女主角竟然拿把刀仔旁身, 如果你好似佢咁, 救我用縲絲批, 旁身用餐刀仔, 我都唔會叫你快D走了, 咁蠢既話, 叫你走, 你都走唔遠, 唯有大家一齊被劏吧！哈哈哈!」

我: 「…………..-_-“」 

真係笑爆呀！點解我地兩個睇完套恐怖片, 之後會講D咁野呢?真係大吉利士呀！經我地既討論一論之後, 我覺得會變笑片多D！