Purple@moon

今日真係黑仔, 一早起床塔車返工, 諗住咁早返到去, 應該今日平平安安,

點知今早塔小巴時, 落左車先知跌左張八達通係小巴….. -_-“

前兩日我先增完值添, 今日無程程一早唔見左成百蚊, 肉都赤….

平時個衫袋比較深, 所以無諗住會跌得到出來, 諗住返到公司先放番張卡係銀包, 點知…..就係咁無左成百蚊…..最慘係落左車先知, 仲要連車牌都睇唔到的情況下發覺可能跌左係車上面….

返到公司即時打電話, 希望小巴公司能夠執到我張卡, 但睇來機會都好渺茫。

打去小巴公司, 有位小姐問:「你有無睇到車牌號碼?或者司機姓名?」我:「….hmm…..落左車先知….但我諗應該剛剛架小巴返到去總站無耐….只係知個伯伯係戴眼鏡的…..」我自己答完都覺得無奈……

打去地鉄公司問, 成早都係錄音, 想報失卡和問資料, 按完個制又去番主頁, 都搵唔到職員問下，因為有d積分係入面, 想問佢如果買番新卡登記番, d分和餘額可否轉移? 我睇都係搵唔番多…..唉~~~~

好彩早前無動搖到轉為私人自動增值八達通, 因為真係唔小心跌左肉都赤, 仲要係想報失時, 個線路係入唔到, 入哂資料又彈番你去查詢熱線, 仲要係六小時後才能cut card, 六小時前的損失都係要自己負責, 仲要再比多六十至七十蚊開過張卡再加報失手續費三十….

今早的黑仔事件, 除了自己太唔小心之外, 仲太信任左個袋, 好深既袋都唔係百份百安全, 意外好多時就係咁發生左….死未…..唯有自己氹自己, 係時候換過張新卡過新年, 令自己相信破財擋災呢個道理啦! 今日工作上應該會平平安安的了, 擋左災嘛! 真係十個無奈! =,=”