Purple@moon

這排發生什麼事呢?

收到表妹的電話, 知道姨媽唔舒服, 好担心….

點解香港既醫療制度會咁?

姨媽發覺半邊面麻痺, 仲有隻手又係痺又痛, 於是去急症室睇,

因為認為咁痛同咁痺法係好唔正常, 醫生話懷疑神經系統有問題…

以前人地俗稱”生蛇”, 即免疫系統有毛病…比左小小葯, 檢查都

唔同佢做就叫佢就走…

過兩日, 好唔妥嚴重左, 再同佢睇私家醫生, 私家醫生寫左紙認為

緊急都仲要嘈一論先比佢入院?

現在又話懷疑可能係另一個問題, 要做磁力共震既檢查….

但竟然要最快等三個星期先排到, 記住,係最快咋喎….而且係懷疑,

但早排又話神經系統既事, 咁如果唔係你懷疑既野你又唔開葯比個

病人食, 而現在因為無葯食, 情況比入院前又嚴重左!!!

亦因為佢話可能唔排除有另一個可能呢個時候, 真係咩都唔理

有無攪錯, 嘔就止嘔葯, 痛就比止痛葯……

呢個時候只係比病人吊鹽水同餵營養奶????? 大佬, 有病都變無病啦~

早排仲食得野, 仲可以行到小小路, 現在咩都食唔到, 連吞口水都有困難…..

既然係早排認為佢神經系統有問題, 咁應該開住D葯比佢食住先可以

比到佢有命等到排期檢查, 如果唔得咁可唔可以再睇下點安排快D呢?

一個人傷風咳都唔可以唔食葯啦, 咳都咳死, 現在病人情況咁,

檢查又安排唔到快D, 又咩葯都唔開? 呢D就係所謂既醫館局制度?

三個星期對一個急需食葯同檢查既人係可以係好耐既事!

大佬, 排你一頭半載…..咁仲得了? 到時都唔知咩事?

點解香港既醫療制度咁有問題? 唔通窮人係唔可以病的?

咩都等, 病情咁嚴重都要等? 等既時候咩葯都唔比你食….

錢, 真係好緊要, 唔止係話生活好D, 而係當親人有病,

起碼可以用最快既方法送去私家度檢查…

人命先會比較容易受重視!!!!!!!!

現在我想要找埋私家醫院既檢查資料, 因為入面既醫生話

無那個報告, 佢地係咩葯都唔會開而要一直咁等排期直至

報告出左先可以決定點去醫!!!!!

希望姨媽快點康復, 千萬唔好有事…..