Purple@moon

我喜愛的兩隊球隊”英格蘭”同”巴西”都輸左了, 真係無心機呀~

唯有四年後再來過吧!

昨天一早去了整頭髮, 本應想試整楊承琳或者莫文尉的

髮型, 但因為本身髮質的關係唔係太易曲, 亦因巳經做

了一次陶瓷曲髮, 做第二次時, 效果會無第一次咁好,

所以髮型師建議我用卷電。

可能自己仲未睇慣, 所以覺得頭髮短左好多好多咁。

朋友們都說我的髮型電得唔錯, 所以我都好開心,

不過詳細效果, 要等我過兩日洗左頭先知, 剛剛電完

頭兩日唔好洗頭個效果話會好D喎, 因為我D頭髮

真係比較難曲, 好易直番,無論係頭髮定眼睫毛都很蝦人

電。我由早上十一時半電到中午三時, 因為在髮型屋中

一邊看電影, 一邊看雜誌, 所以時間過得很快。

看了黎明主演的” 情知倆心知” , 幸好當時沒有到戲院

收看。或者這是部半喜劇半感動的電影吧, 總覺得在

模仿西片”兄弟情深”。

整好頭髮後, 約了一眾好友到銅鑼灣等地SHOPPING,

都沒有什麼收獲，反而吃了一杯”木田園”的低脂低糖

雪糕, 本應要介口的我, 在這炎炎夏日實在忍不住要叫

上一杯，我選了藍苺味加牛奶味雪糕, 真是透心涼喔！

正當大家以為無收獲時, 我們各自分道揚鑣, 在和CA CA

去文輝記食墨丸麵的途中, 給我倆發現了一間賣韓國

護膚品的店舖, 內裡全是一些天然生果制成的護膚品,

有西瓜, 蘋果, 蜜糖, 牛油果, 水梨, 士多啤梨, 人參,

牛奶, 黑糖, 米, 乳酪, 紅酒, 青檸, 青瓜, 白茶等多種食品

做的東東, 當中青瓜面膜入面有青瓜粒粒, 好得意,

米做的美白磨沙亦有細小的米粒, 當然最吸引我的是蜜糖產品,

我本身用開另一隻牌子的蜜糖護膚品, 很喜歡, 不過價錢

越來越貴, 剛巧又快用完, 所以便想買回家試試,

我買了一樽紅酒精華面膜, 幫助我血液循環好一點, 皮膚無

咁暗啞, 另外買了一樽水梨的保濕面霜, 我皮膚很乾的,

所以買了一樽, 它的味道很清, 質感滑滑, 塗上去很水亦很爽的。

我還有買了一支蜜糖的護唇TREATMENT, 因為覺得好得意,

那支蜜糖TREATMENT 佔的蜜糖成份都幾高, 塗上咀上, 像

把蜜糖塗上, 還有甜甜的蜜糖香味, 我亦時都懷疑是否真的

只是一支蜜糖, 不過塗上一會後, 咀唇很快吸收, 有小小甜味,

過一會兒便沒有甜味了, 很得意！

滿載而歸後和CA CA去文輝吃了一個墨丸麵, 好好味呢！

之後再和加菲到九龍城金蘭花食泰國菜！

很快樂和圓滿的一天！ :D~

我買隻牌子係韓國牌子來, 叫SKIN FOOD

佢D粉底同碎粉都好似唔錯, 我下次用完可能會試下

http://www.theskinfood.com/eng//01_skinfood/1_concept.asp