米飯班主
地址: 旺角通菜街1A–IL號威達商業大厦地下D舖
電話: 23323909
消費: 每人 ($30-$60)
昨夜約左金美和阿宝和電車男加蔡一傑風趣混合版的
關子先生食飯, 阿宝好醒, 搵左間幾正既地方食野, 又平又
好味, 仲可以坐好耐大家傾下計添~
間餐廳名叫:”米飯班主” , 近嘉樂商場行入去女人街
的則邊食店。不是太起眼的, 所以平時去旺角行街,
都無為意有這間食店, 可能門面普通, 所以唔太特出掛~
是晚叫了以下菜式:
1. 鼓汁帶子籠仔飯 : 用一個大蒸籠放上荷葉把配料放上去蒸的,
幾入味, 好香荷葉味, 感覺有些似糯米雞和荷葉飯的混合版。
有甜鼓汁另上, 可以因自己喜好落多小醬汁。
2. 燒茄子: 這個真的很好吃, 把一整條茄子切段再燒, 面頭放
上木魚絲加日本醬汁, 外脆內軟, 比想像中好吃, 原來茄子
可以咁樣整法。 :D
3. 肥仔X秘制豬頸肉: 一碟有好多片, 和平時食的泰式燒豬頸
肉不同, 面頭付上秘制醬汁, 很重香茅味, 有點辣, 豬頸肉
好林好香, 我食左好多片!
4. 紙包金沙骨: 這個我覺得普通, 味道OK, 用牛油紙包著, 我
個人覺得食得好麻煩, 因為要落手去拆左將紙, 將紙會有小小
黏著條金沙骨, 整到我成手油, 食完就成咀油…..哈哈….
請注意, 食完後那種油法是圍住個咀邊一個圈, 本小姐巳經食得
極慢和極斯文, 也不能幸免食到成咀都係油! 如果同初識既男仔,
或者男朋友去食, 我不建議叫這道菜, 因為真係極小心食都會儀態
盡失。(因為我地昨晚都唔當關子先生是一個男生, 所以也盡情咬那
件金沙骨…哈哈)
5. 竹筒腿茸小棠菜: 我平時最愛吃這種菜了, 因為很甜又很爽口, 那裡把
小棠菜放入半個竹筒, 配上湯和金華火腿絲一起煮, 濃濃的金華火腿香
浸入小棠菜入面, 好惹味。
6. 黑椒鴕鳥肉荷香粉: 和籠仔飯一樣, 用荷葉裝著河粉和配料蒸, 鴕鳥肉
質感好似牛肉, 以前食過鴕鳥肉, 覺得好”鞋” 唔好食, 但今次覺得幾好
好滑又好林, 仲好入味, 把鼓油汁撈河粉食, 都OK, 但我覺得這個普通
一D, 聽講話肥牛的荷香粉好味好多, 這個便不太清楚, 因為我本人不吃
牛肉的, 可能咁, 覺得駝鳥肉太似牛肉了, 心裡打了個折扣也說不定。
7. 焦糖雞翼: 因為得三隻, 而且我仲有些咳, 不敢食雞翼, 不知是否好吃,
但另外幾個朋友就話好好味喎!
8. 炸黑芝麻湯丸: 都幾大粒下, 入面黑芝麻勁多, 外皮炸得脆, 入面軟綿綿,
雖然都好味, 但我覺得可以唔試, 因為這個甜品不太抵, 廿蚊得四粒。
整體來講, 樣樣都好好味, 籠仔飯和荷香粉太約三十至四十左右一籠, 都幾大,
其他的大約廿幾蚊有一碟, 份量OK, 唔會太大或者太細, 服務尚可, 坐位都
舒適, 衛生度幾好, 價錢又經濟, 所以我會再去食多次的。 :D
是晚八樣野食, 三個靚女一個俊男的飲食份量來計, 坐左成晚每人平均五十幾蚊,我自己覺得好抵食。這個只是散叫的價錢, 那裡還有好多餐配塔, 仲抵D添!
留言列表