Purple@moon

好開心！一大班人去左中山玩，九月九日中午早走左半小時，因為我係西貢

出到去尖沙咀中港城那邊，時間很緊迫，早走半小時才剛剛好一時三十七分到

達，二時正開船。那天打大風落大雨, 我整身濕透在逆風而行，幸好EDWARD冒著大雨由中港城那邊過來接我，本應我叫他不用來的，但他說路面多處爆水渠，說怕我被雨水加渠水沖走！嘩哈哈哈哈！所以他來到便用強壯及厚身的身軀為我擋了不小風雨！哈哈哈！真的謝謝他！我們到達中港城時簡直是兩隻濕水雞仔咁！

一行九人大部份都濕透，乘了兩小時船便到達中山，多謝阿惠及ANDY的安排，

BOOK酒店，安排行程等等…..去到中山，一行人先到免稅店購買雪茄及香烟，

個個都食支提神煙，只有我和另一個女仔唔食煙的。阿龍好驚異咁大叫: 「喂！點解佢食得煙嫁? 點解你比佢買煙嫁? 你話下佢啦！」

EDWARD個樣好攪笑，好似細路仔咁，我都明白既，一大班人去玩，就比佢放下假啦！始終介煙係長期作戰，一下子很難話完全不受吸引。咁大班朋友，佢有得睇無得食，又好似好慘咁！所以比佢放鬆下，等佢返到香港先繼續努力啦！

去到酒店拿房，兩間房都連著一個廳，我地五個女仔一間房，另外四個男仔又另一間房。放低行裝我們一行人便到鳳凰城食甜品加焞湯，仲有好多糕點，我的雙皮奶很滑很好味，係D湯匙比較污漕，換左兩隻都仲係有好多抺得到既漬，我個人好怕去污漕既地方食野，不過係大陸食野係咁嫁啦！同埋呢D都可以叫風味！了解下佢地既飲食文化嘛！其中阿龍，ANDY同IDA都叫左焞湯，入面有D好似雞肉的東西, ANDY那盅還有一隻雞頭，哈哈哈！果然係好足料既焞雞湯。

阿龍飲花旗參焞雞，佢碗都好正常。到IDA那盅係好好味既海底椰焞海螺，當IDA想食片海底椰時，發現係一件外表好似海底椰但咬落去係咬唔到既膠片狀物體，我地都笑呢盅個名堂叫: 膠片海底椰焞海螺~ :P (這頓大約人民幣173)

我地食完野跟住去左步行街，四周的建築好歐陸FEEL，但同當地既人總是有點格格不入似的。我們去逛CD店，他們說是正版貨可以帶出香港，所以我買左兩隻側田CD，仲未聽過，不過真係好抵，兩隻碟加埋才五十六元，如果有日本CD便好了，但一套套的韓劇反而沒有買，因為怕入面唔知一唔一樣，反正喜歡所以”金三順”會在香港買比較有保障。(因為看到其中有隻叫”魔法學園哈利波特” 除左妙麗和榮恩個樣在碟面外，主角哈利波特竟然係第二個鬼仔既樣，改頭換面的技術好利害。)

中山的商店，尤其賣手袋的，要成三百幾蚊至二百幾蚊一個，

我覺得真係唔值囉！只係和IDA去左買鞋，最平十蚊對涼鞋，但真係睇你敢唔敢著了，因為好鬼老土。四十幾蚊既個款就幾靚，都可以買，因為之前全身濕哂的關係，連波鞋都濕透，所以便買了一對人字拖既涼鞋了，IDA買的高跟涼鞋比較靚，都算抵。仲有發現左一樣好得意既野，原來鞋店間間都播哂D場音樂，

音樂仲係勁震的，開哂RE-MIX, 我地在想是否日頭賣鞋，晚上轉型D場呢?哈哈！

買完野就去左富華酒店的中菜部食晚飯，原來國內的人比較早吃飯，九點半廚房便收爐，我們剛好九時正到達，所以先行點菜，這頓飯也很美味，一條大大條的秋力魚和燒靖魚都係18元，很抵吃！叫了黑椒鹿肉扒，味道不錯，他們說似牛肉，本應我都有D怕，不過想起我都食過朋友係芬蘭拿來的鹿肉，既然食過，應該唔怕既！你話食貓食狗食果子狸，我就點都唔食了，哈哈！仲有食左中山好出名的十四天乳鴿BB，感覺OK，但覺得香港的比較好味，因為十四天的鴿BB好瘦呀陰公！我都係食完先知隻鴿BB出世左十四天，所以都覺得唔係咁好咁！

其他小菜都OK，但普通一點，所以不作紀錄了！

食完飯離開時巳經晚上十時多，我們便到中山一間很旺場很出名的SEE CLUB見識一下，學LEO話: 『大陸真係乜都大過人~』。我地本應BOOK左坐廳，那裡是一個D場來的，嘩！好嘈好嘈！音樂唔係勁，係嘈！不斷重拍子RE-MIX，意途震到大家頭都穿！ XD

好彩之後開左間房，歌就比較舊，但入面裝修很美，間房大到足足二十個人都唔會覺得迫，我地坐既位同對面坐的位距離真係成兩張波枱咁長！果盤又超大個，但好似放左好耐，我地唔敢食，二百蚊個果盤….勁….因為包房的關係，最低消費1,380，當然然我們一定超額。內地的芝華士原來的PACKING好特別，入面個咀係鼓油樽蓋來。房內有私人洗手間，但係竟然係蹲廁來的，很攪笑呢！他們的計法也很不同，LEO說我們又下了一個創舉無人能及，因為那晚我們叫了五百蚊綠茶來溝芝華士。平均一支綠茶25元！嘩哈哈哈！不過叫做見識過中山的夜場，那裡消費一D都唔平，計落仲貴過在香港飲，但竟然全場爆滿，以國內人民的收入，真的很難相信他們的消費力如此強勁！在樓下看到一則招聘告示，

職位: 女公關….誠招年輕貌美的女孩，身高160左右，初至高中程度，經驗不拘，流操流利的廣東，國語，英語，日語優先考慮，重點要有『氣質』……

嘩~~~~~~~要有氣質~~~~~勁！這晚最豪是在這裡消費，大約三千多元，飲的酒其實不算多，主要綠茶比重較大，貴過係香港飲，不過叫做見識過國內的文他以及不同之處。這晚我和EDWARD賭神上身，我又蛇，又三條，又TWO PAIR，

阿龍和LEO都輸好多比我地，我巳經很收歛，玩話事啤時沒有反大他們，也真算夠朋友，哈哈！不過整晚很好玩，可能一大班朋友在一起吧！阿龍幾杯落肚，變得好活潑好動，好多野講，好似想講下心事咁！他問左一些某朋友的問題，我只有簡短的回答幾次，可能飲了些酒的關係吧！不過佢明天應該會斷片，唔會記得整晚他心裡有記掛著一個人，很關心她，很想知她過得可好，生活是否開心?可能他認為自己不能給她幸福吧！整晚在說她是一個好女孩子….自己不是好人等等….之前我還有一點點怪他，但經過這晚，我想他真的是真心愛她的，所以不想讓自己令大家的關係變得更壞吧！希望早點放手，她能找到她的幸福吧！我真的希望他們兩個都能各自找到自己的幸福！好好的生活！要開開心心！