close
今晚又九點半先可以離開公司......
真係做死人, 搵錢係要有D代價........前一晚一路做, 個心一路悶悶不樂.....
點解做極都做唔哂嫁? 真係好想爆粗呀? 巳經很早返到公司, 食飯一食完就開始做野,
但每晚都仲係八點幾都仲未知走得未?
條氣當然唔多順, 但心知唔做唔做都要做, 唯有快快手手攪埋D手尾啦~
D野做唔哂做唔到都係自己食番哂, 無人幫到自己, 真係鬼叫你窮呀, 頂硬上啦....
仲要鬼咁忙, 個個D野都趕, 但手就得兩隻, 真係想連對腳都放埋上枱用鬼埋佢, 仲要笑哂口答人,
得得得....(因為無得答唔得)一路做一路條氣頂到出頭頂~~~~
唉~ 但望下自己新買的牛仔褲, 又諗下自己呢排睇既電影, 唉, 抵死呀, 等自己買野買得咁爽手丫拿,
所有野都係要付出代價既~ 我既代價就係做到成九點幾都未走得, 每日都唔知自己可以幾點收到工...........
我又無骨氣喎! 又忍唔到手又忍唔到口, 咁, 做死自己都無得好怨啦~
真係好想爆 ....@$#^&&(&()_(+_(&&$%^#@#$
老細同我講想我報SPACE的普通話課程, 想我考埋個北京專業試........咁的工作量,
我都要諗諗可以點安排到時間去讀....
IVE 六月又考試了, 我都唔知點死.........
唉, 早D訓, 聽日又來極度繁忙的一天......為我的薪水加油~~~~~~~~
錢呀錢呀錢呀, 發錢寒呀~~~~~~~~~~
全站熱搜
留言列表
