close
昨天去見swarovski 的supplier, 真係又見識左好多, 學左好多野, 今次我的表現好似比上一次淡定左, 起碼問到老細想要知的資料~老細果然有料到, 初初比個sales 反客為主咁問我地問題, 我個心都突左一突, 老細好仔細又淡定的拿番主導權,勁~ 睇到我嘆為觀止!
對方比左份合同我地, 內容大約講解在網上訂購配件的問題及所需要接受的條款內容, 老細叫我睇完講番比佢聽.....真係又考起我....不過對我來講, 難是難一點, 但他肯給我這個機會學習多一點, 我要好好把握~~
見完供應商connie小姐, 我同老細在留下飲左杯咖啡就回公司再拚命了, 一路工作到八時左右先收工....
這陣子可能壓力太大, 昨晚好想飲野放鬆下自己, 但結果又飲醉了, 仲嚴重到斷片, 回家的路完完全全無記憶點樣返到去真係好危險, 但奇怪係飲到咁, 我又無嘔喎?? 下次都係唔好飲咁大.....
今早起床, 完全失憶, 只係記得昨晚我發表偉論話好想做男仔, 講解做男仔的十大優點....仲有係世上有個真正知己朋友
真是好極的偉論....(其實做女仔都好好的, 可能一時感觸, 想自己堅強d, 所以話好想做男仔)
仲在飲醉的情況下煮到腸仔忌廉蘑菇意粉比大家送酒, 我真係好叻呀, 哈哈哈, 今早起身都無肚仔痛,
我應該無加料落錯洗潔精去炒意粉....
嘩哈哈~~
唯一唔多好既係, 今早個頭痛到呢......
全站熱搜
留言列表
