呢幾日病情都反反覆覆, 時好時壞....可能工作過勞, 今日又頂唔住要同老細請半日假睇醫生....
但做埋d手尾野都要成三點先走, 塞一塞車出到去四點幾~
今早聽同事講起, 佢地都覺我病左好耐, 於是有個同事忍唔住問我係咪用公司既醫療咭睇醫生?
我話: 係呀, 唉, 睇左三次西醫都未好~
同事就建議我去睇醫生唔好用醫療咭, 比現金到時拿單claim 錢. 我諗:有關係嫁咩？但又真係怪喎，我之前睇呢個醫生好好的，通常睇完一次就好番哂～ 我就係唔明仲乜咁耐未好，仲驚自己身體唔知係咪有問題？攪咁耐都未復完～
後期我又中葯又西葯, 睇完西醫唔好又轉中醫....食完中葯好d, 但一累, 又來咳咳咳....始終食中葯一定要休息，會好得較慢，唔休息仲有排好, 結果今日頂唔順, 今日又去左睇西醫, 三點走人, 轉左醫生亦唔用醫生咭睇病....
原來我支氣管炎, 條氣管仲收縮左, 唔怪得成日覺得條氣唔多順.....等我仲以為我自己做野做到氣頂, 條氣谷住添, 哈哈~
結果醫生話要我打針, 話我條氣管收縮左一定要打針放番鬆佢喎...
我當然又係話: 醫生, 唔打針得唔得呀 (可憐相般哀求)
而醫生又好似廣告咁講: 唔得, 打針快d好!
於是, 我就打左一針了....好痛...... >.<
都未食過d葯水咁QQQQQ難食既, 好似糊狀咁....又苦....嗚嗚嗚....
為左快D好, 為左聖誕節, 為左聖誕美食....飲就飲啦........
但現在要介口介得好清, 生果, 湯水, 生冷凍飲全部唔得, 魚湯更加對氣管炎唔好, 必介 (等我前幾日仲諗住清清地, 食左幾日大地魚湯魚旦粉, 特濃自製豬骨湯拉麵.....死未......@,@) 熱飲係可以...............係只係可以飲熱水.........什麼阿華田好立克, 熱既古古力奶, 醫生都話無我份....
MY.....GOD......
全站熱搜
留言列表
