趕到我死, 同事屋企有事, 整個星期都要請假, 阿頭又上大陸, 另外追單既同事, 今日追小巴又"R"咗柴, 結果中午要走, 我要幫手追埋D單.... 幫手轉提單同拿中檢証的同事今日又剛好請病假....好彩搵到另一個同事幫手....今日空運公司又多貨要趕住提, 要出EMAIL比運輸, 又要安排速遞寄貨上大陸廠, KEEP錢既同事今日又無返, 唯有自己比住先....
今日諗住上地獄 costing 千萬唔好遲到, 點知到要六點十先閃到~ 諗住趕返學~ .... 去到地鉄站發現無散紙無碎錢, 因為今日自己貼住錢寄貨先, 於是九秒九跑去排柜員機拿錢.......... 拿左錢即時沖落去想塔車........ 點知一架小巴都無..... 於是好豪咁欄住阿伯伯架的士, 因為佢巳經蓋左旗要交更, 我好好禮貌既希望佢能載埋我上學校先收工, 伯伯見我咁有誠意, 於是好好人咁載埋我先返屋企食飯....
點知.................
上到學校先知今日唔駛返學 =,="""
我整個人趕到身水身汗, 成個出水芙蓉一樣, 成身濕透....現在既心情可以咁形容.......
"今日真係超低能, 勁攪笑!!!!"
全站熱搜
留言列表
