觀摩－Purple@moon

琴晚跟 ALEX 佢地出去玩, 實在太好玩啦~

可能呢排太大壓力, 好想出去飲下野, 你話我自己落去玩就唔會了~ 同埋一大班男仔去就玩得放心好多了~

首先去了蘭桂芳的 NO. 9 CLUB 然後再落去灣仔既PUB....咁大個女, 又見識左唔少野, 哈哈~

NO. 9 CLUB 都幾斯文的, 如果只係女仔自己去都應該無問題既, $180/HEAD 一點前係任飲的, 都OK喎~那裡真係好多靚女, 梗有一個係左近...型仔都唔少, 個個都好高大幾好樣的, 咁橋又撞正警察查牌, 全店著哂燈, 睇到個個D樣好清楚....哈哈~ 我個心態好似有D似去觀摩咁, 成晚眼仔LOOK LOOK, 周圍望~

玩到咁上下, ALEX 同另一班男仔轉戰灣仔, 我當然唔放過機會又跟落去見識下啦~那間PUB 就好多鬼仔同菲律賓女仔, D女仔真係好鬼靚, 身材又好, 好SEXY~我係女仔都覺得好養眼呀~可能飲得都醉醉地, 如果唔係同佢地一大班人去, 只係女仔去都好似幾危險, 酒精既影响真係會令人警覺性全面降低既, 我試過兩次比個菲律賓女仔拉左出去跳舞, 跳跳下就會有D鬼仔攝左埋來, 我自己都唔太知, 多得男友睇實我, 佢好似保鑣先生咁, 玩到咁上下, 佢發現左唔妥就好似捉雞仔咁捉我番埋佢地那裡! 哈哈~ 我就傻下傻下咁玩得好開心, 無咩警覺性, 嘻嘻, 可能同佢地出去玩好放心啦~最攪笑係同佢地成班男仔一齊睇女仔, 評頭論足好好笑!!!

燈紅酒綠的地方, 有時真係幾吸引的, 難怪咁多男仔會喜歡出去飲下野, 出去玩下...真係唔出去睇下, 唔知原來香港真係咁多靚女同型仔... 平時行街睇戲真係行足幾條街都未必見到一個型仔....琴晚真係睇左好多靚野~ 嘩哈哈哈~

琴晚都有諗過影幾張相, 但太黑了, 又怕比人知我偷拍, 所以就無, 而琴晚同我幾好傾既菲律賓女仔真係好靚, 好白好似混血兒咁,

今早諗下, 總之同佢影張相留個記念啦!