Purple@moon

這陣子發現自己身體唔係咁好, 真係捱出左小小病來, 知道後都有點驚訝....不過我知道休息一排應該就會沒事了~
好多謝我身邊既朋友, 男朋友, 屋企人, 個個都咁錫我咁關心我, 原來我人緣都唔錯喎~ 哈哈~
點解咁講呢, 因為有時我覺得自己都有小小孤癖, 對我既朋友我可以義無反顧咁為對方著想, 但對於一些假人, 自問真係做唔到面面俱圓, 尤其呢排係公司見那些人, 真係想作嘔, 人既心點解真係可以咁黑咁恐怖?

但琴日我又做左一件自己都問自己點解既事, 本應我比左信, 準時就閃人, 琴日見到個同事好多野做, 心諗:" 就六點啦喎, 仲未計好, 我應唔應該幫下佢呢?" 個fd又同我講 : 你都走啦, 準時即閃, 咁有責任心把鬼咩, 人地點對你先得嫁!"
又啱喎, 跟住聽到佢同屋企講電話話今晚唔知幾點走得, 唔好等佢食飯, 當時我就覺得好似睇番未辭職既我咁, 心諗: 你地班百佳大聯盟終於知我之前做既workload有幾勁, 幾個人做都未必做得哂, 現在巳經有人幫你手, 你都做唔得哂, 仲只係得一張so. 仲要喊鬼咁話好亂好多野做, 我由一接手就亂到九彩亦都係得我一個人做啦... 等你地仲講風涼話, 話好易啫, 唔明你咩事咁忙咁多野做...

之後聽到佢女女又打比佢(咁呢位同事之前對我無咩野既), 結果, 我又心軟, 走埋去問佢有無計好既單, 有既幫佢打一打, 無既我就閃人, 結果我幫佢打左三張單, 六點三先閃~ 雖然打張單唔會幫到佢好多, 佢係唔係都要留堂, 但我覺得你地班百佳由係咁, 唔代表我都係咁, 今次幫你打單, 係因為知佢女女掛住佢媽咪同埋佢之前對我無咩野, 我先心軟, 我做左我自己認為啱既事, 今次幫一幫佢, 但我同自己講唔會再有下一次了....