Purple@moon

今天放假, 自己食飯的時候打了一個電話給媽媽, 對話如下:

我: 媽咪, 我呀, 你係道做緊咩呀?食左飯未? 仲有無唔舒服呀?

媽: 我同你爸爸一齊囉, 佢約左朋友傾緊野, 你做緊咩呀?

我: 我食飯囉

媽: 你同邊個食呀

我: 我自己一個人食囉

媽: 吓, 一個人? 一個人食好孤獨喎, 我如果一個人就情願係屋企食, 出去食飯一個人好唔慣好孤獨嫁

我: 有幾孤獨? 我成日都一個人出去食飯, 我大個女嫁啦, 獨立嫁嘛

媽: 哈哈, 我個女真係好獨立人

我: 係呀, 今晚約你同老豆食飯, 咁唔孤獨啦掛, 哈哈~

媽: 好呀好呀 :)

媽媽爸爸年紀真係開始大了, 我在想, 將來我年紀大了都會怕孤獨嗎? 其實兩人個食飯係好開心的 , 一班人食飯都好熱鬧, 但間唔中比自己有些私人空間想下事情, 周圍行下也是很舒服的一回事~

其實, 想想下曾幾何時我都幾依賴, 都喜歡跟男朋友一起吃飯, 如果自己一人, 有時情願唔食...

現在人大了, 想法好多都不同了, 有時想和心愛的人一起食飯, 是因為想和愛人一起分享事情, 分享今天的經歷, 分享食物...

我不是不怕孤獨, 而是人變得堅強, 開始學懂如何一個人獨處的時間要怎麼善用....用其他角度去看同一件事, 感覺也會不同~

有朋友問過, 你們工作的時間這樣長, 不怕相處的時間不夠嗎? 如何維繫感情?

我都覺得感情是要維繫的, 但除了用時間來做單位, 質量也是重要的一環....

就 是因為相聚的時間小, 所以更加珍惜身邊人, 珍惜每刻能見面的時間, 每一刻的相聚都得來不易, 所以覺得更加快樂和幸福~ 無論和愛人相聚又好, 甚至家人朋友, 每一刻對我來說都是珍貴的~ 為什麼每次見到我都會笑得這樣甜這樣開懷, 因為能見到大家每一刻都令我很開懷很感恩, 才能笑得很開心~ 笑得這樣真 ~

:)