Purple@moon

我………….真係特別黑仔……..

我做錯咩事呢? 唔通前一世我係一個大壞人

今世有排受? 定一話我太好人, 所以比較多波折

人地話: 『殺人放火金腰帶, 修橋補路無屍骸….』

呢句野係咪真既呢? 我心地咁善良, 為什麼頭頭

碰著黑, 好心既人係咪無好報呢?

或許這是命吧! 命唔好, 自然辛苦命, 不過, 我唔會

認命既, 一個人最怕就係認命！就算比人艱難百倍,

我都唔要低頭….我頂硬上都要頂….因為我唔憤氣!!!!!!

如果做壞人, 做個自私既人, 樣樣只有自己無別人,

『殺人放火金腰帶』就算呢句野真係真既,

我諗我都做唔出, 所以註定我要捱捱捱…..捱到死

那一日………

早排看到別人的BLOG貼左個LINK叫做

『完全自殺手冊』我睇左小小就巳經唔再睇,

我睇係因為好奇, 為什麼會有人出書教人點死呢?

如果一些細路仔, 唔識死, 真係信佢既方法, 以為

可以死得好自在, 好快解決到問題而跟佢既方法去

死既話….那真是罪孽…..

或者我無胆又怕死, 覺得辛苦左咁耐, 就咁放棄自

己係好唔要得既行為亦好唔負責任, 因為死解決

唔到問題, 只係將個問題放埋一邊永遠唔理佢咁解…

仲可能又要重頭來過, 再做多次人, 或許比這生更

不堪….可能仲差過呢世咁我仲乜要做傻事? 好無

經濟效益啫~~~

自己的生命亦不是全部是自己的, 不理會父母為何

帶你來這個世上, 既然來了, 便既來之則安之吧!

死, 解決唔到問題仲令身邊愛錫你既人, 朋友, 父母

好傷心….而死左係咪真係唔存在呢? 定係永遠留在

世上不得離開呢?

有些細路會以為死左去另一個世界會更好, 但事實係

點無人知, 只係你一廂情願罷了! 與其去信一個自己

唔知同埋無法掌握既世界, 我情願辛苦D面對自己

可以掌握到既世界, 從來都相信, 只要捱得過….

一切都更美好, 有日回過頭來, 看看自己的一生,

原來只是一個小事情, 一下子又捱過了…..

所以我唔認命, 我絶對唔認….我希望我可以盡力去

改變我自己的將來……

希望我睇到個BLOG既小朋友或者想放棄自己既人

能夠明白生命是無價的, 生命亦無TAKE TWO!