Purple@moon

看過MIUMIU的BLOG, 有感而發, 發覺原來身邊有好多女仔,

或者朋友都有過這種不愉快的經歷。我也有過三次這

種不好彩的經歷, 在此希望和位女性朋友回家出入

一些轉角位, 小人的地方, 也要加倍小心！也讓一些人

知道社會真的仲有好多賤人, 各位女性要小心…唔係

只會在報紙上先知道有咁既事, 其實身邊好多時都有人或者朋友

會發生咁既事….

我記得第一次是在中一時,有天做壁報夜了, 回家時又下著大雨

一手拿著傘子,另一手拿著很多書本,背上背著大書包

那個衰人迎面的對我下手....當時在我學校轉出去的

一段路, 本應是行經九龍仔公園的, 但就是怕沒有什

麼人行, 會比較危險, 所以改行另一條路, 那條路很長,

亦沒有什麼行人, 但都叫大街, 近喇沙利道那那條路...

附近都是住宅區, 話哂都係九龍塘, 治安應該好D….

點鬼知….咁黑仔, 咁都比我遇到個衰人…仲記得佢著

T SHIRT , 一條好花既短褲是中年人, 似係住係附近囉！

發生時我腦中一片空白,不懂反應, 呆站當場,回家偷偷的哭...

另一次是在巴士上,衰人是一個七十幾持老賣老的老伯

那次大約十八歲,初時覺得他年紀大,可能企唔穏, 唔小心

掂到我隻手啫, 所以無為意, 便把手移下一點拉著扶手,

跟住佢又移下隻手, 又掂到我隻手, 跟住我又移開, 今次

我覺得佢係有心既, 因為佢每一次都偷偷用眼望下我, 而

且當我移開第三次隻手時,佢直頭把他的手包著我的手來捉

著扶手, 當時車上又唔係多人, 我知道佢有心之後,就

大駡他, 於是他急急腳在之後的那站下車了...

第三次亦希望是最後一次,男朋友說很累很累

所以不送我回家了,其實很多時他都不會送我回家,那時覺得

沒什麼,好吧,自己回家去也沒所謂,因為錫他怕他真的太累...

所以他說不送, 那我便自己乘巴士再轉地鉄回家了。

當時晚上大約十一時多,說夜也不算太夜,但早又唔算...

從背後覺得有人行得很貼近我,但我沒為意, 以為他

比較趕時間, 所以自己也欠一下身讓他先行, 當然他

還是跟在我的後面, 直至行近一個轉角位時, 我覺得

好似有人摸我, 但初時以為是別人不小心碰到自己而矣,

佢跟住就仲大膽, 直頭伸手好大手咁摸我的臀部,嚇了我一大

跳,正想反身大駡, 他還看著我笑一笑跑了....我當時很火....

但他都巳經跑開了, 這個男仔大約三十左右, 外表斯文,

由佢對住我笑跟住跑走, 我覺得佢係好賤格, 亦清楚知道

自己做緊乜亦無慚愧之心…我就好激氣….當時仲記得好激氣

同前男友講,佢就訓緊覺, 仲竟然話: “吓, 唔係下話, 咁都摸得落手既?”

之後我嬲左好幾日, 因為覺得佢唔當咩一回事, 亦好似唔緊我咁…

不過前男友當時可能想安慰我同我講下笑都未定, 呢D我唔清楚了,

不過這些只是後話。

只係覺得今次個電台主持係講得過左火位, 有D野可以講, 但咁大個人

有D野應該諗下, 經下個腦先好講, 唔好為左搏出位就亂咁講野….

因為現時在社會上仲係有好多賤人, 係暗角位, 轉彎位, 小人既地方,

巴士, 地鉄小巴, 去做出”非禮”的行為！

不要再說什麼”想非禮” 代表你有吸引力, 睇得起你之類既說話….

也請不要再用來做什麼無聊的投票選舉了！！！

請尊重一下別人, 也請尊重一下自己的人格和道德標準!