Purple@moon

常悅素食

九龍旺角雅蘭中心食閣六樓

父親節晚上和家人到此食素, 這間素菜館是新派素菜, 因為看過OPENRICE的

食評, 大約知道那幾道小菜較可口, 當天決定一試！

素燒味併盤 – 有酸麵筋, 蠔油麵筋, 素鵝, 素雞腎, 素叉燒等

芋頭焗飯 – 很香芋頭味, 焗得來濕濕地不太乾, 面頭有薄薄的芝士蓋著

三絲素海哲 – 口感好似真的一樣, 冷盤來, 用麻油撈的

口水雞 – 雞件好似白切雞一樣斬件, 底下有粉皮, 因為用麻醬撈, 味道

好香同有小小麻辣

土伏伶煲牛大力老火焞湯 – 足六碗都好似係$38一窩

咕嚕素球 – 好似咕嚕肉的, 無食錯應該係用猴頭菇整,味道酸酸甜甜,

有菠蘿紅椒青椒

雞絲粉皮 – 都好似真既, 粉皮滑滑

白飯 – 叫左三碗, 因為D汁好好味

紅豆沙 – 送既甜品, 煲到都起沙嫁, 唔會好稀, 亦唔會太大陣果皮味 :D

像真度很高哩！雖然食素係天然D好, 個人亦都唔太主張明明食素

但係就好似食肉咁, 不過話明新派素菜, 無乜所謂啦, 都係一餐半餐。

這間素菜都算清淡, 唔算太多味精, 餐牌上亦會註明含有雞旦的小菜,

方便客人選擇, 因為有些素食者是不吃雞旦的。不食慣素食的人仕亦會

很有驚喜！

服務態度很好, 侍應生也算親切, 會和客人說說笑。

同場另一枱客人, 可能爸爸在父親節當天生日, 仔女們ORDER

一客壽包山, 有十幾廿隻的, 在頂頂的壽包上插上蠟燭, 大唱

壽比南山, 全場客人見到此情此景都拍手叫好, 氣氛很愉快呢！

有興趣想和家人食頓中式素菜, 這裡會是個好選擇, 價錢不太貴,

是晚六人消費, 連加一茶介, 每人大約七十蚊左右。

*遲小小補一張相片給大家看看 :D