Brasserie Le Fauchon
地址: 中環蘇豪伊利近街45號地下
電話: 2526-8318
菜式: 法國菜
今年在這間餐廳慶祝生日,
我們覺得價錢好合理好抵食, 菜式都好好味,
我想我還會再去光顧的。
下次可能會試午餐~
每人叫了一客4 個 COURSES
要了半支紅酒, 紅酒不太甜有果味, 但年份不記得了。
湯:
蟹肉鮮蝦湯 (這個湯很香濃)
南瓜湯 (這個湯都幾好飲, 但我覺得唔夠甜)
配熱熱的法包 (麵包好脆好熱)
頭盤:
法式鵝肝 (入口即溶, 大片得來又厚身, 外皮煎得香口)
巴馬火腿配哈蜜瓜 (巴馬火腿很咸香, 哈蜜瓜很甜, 配上味道剛剛好)
主菜:
瑪利紅酒汁燒羊扒
羊扒好滑, 初初見以為太生, 因為我叫了八乘熟,
但看到肉質很滑有小小淡粉紅色, 但係切落去又全無血水喎?
到放入口, 先知真係有八乘熟, 一D都唔生, 仲好滑又無羶味, 正!
蜜糖黑醋汁燒豬手配酸菜
這個都好好食, 豬手不太肥, 很入味, 面皮的蜜糖燒得好香
本應不打算吃皮的, 但吃了一口便忍不住了, 肥都唔理得咁多呀!
(兩個菜配上兩種芥醬, 和薄荷汁)
甜品:
橙酒梳乎厘
蘋果酥皮批配雲呢拿雪糕
環境幾浪漫的, 初初外面看, 以為地方很細小, 但入到入面,
好大, 四面都係紅磚石牆, 有油畫和壁燈, 加上每桌都有一個
小燭台擺設, 好靚, 環境好舒服又好靜, 侍應服務好好, 又細心
會和客人的枱保持距離但又會在你需要她時, 出現協助! :D
不過有點好攪笑, 我地唔知係咪飲醉左酒, 食完晚餐既甜品,
便叫了埋單了, 竟然忘了餐飲, 哈哈, 所以未知道咖啡是否好味道呢?
或者下次再去試他們的午餐補數。 :D
留言列表