Purple@moon

今日係我公司阿頭生日, 我同小島先生請佢出去食飯

當同佢做個簡單既慶祝, 我做咁多份工以來, 可以講得做

尊敬既阿頭, 真係唔多, 佢係其中一個,

佢做野好爽快, 好有決斷力, 又勤力又上進, 家庭和工作她都

兼顧得好好, 佢交左比你做既野, 佢會好放心比你去完成,

急既會話比你知幾點前要, 唔急既, 總之你完成左佢就ok,

佢亦唔會係一些明明無野做, 都想你留到有咁夜得咁夜, 留係

道陪佢做野既人, 佢成日都同我講, 要唔要返學呀, 要就快d走啦!

永遠留係公司最夜既, 一定係佢....佢從來都小說話多做事的,

EQ極高, 佢永遠實實際際做好本份! 所以真係好尊敬佢!

(佢唔知我有呢篇文的, 所以一定無擦鞋之嫌, 哈哈哈)

入左來呢間公司不經不覺五年多了, 講真, 學既野真係唔算多,

人工, 亦唔算高, 福利亦都唔算好多.....

不過我在這裡最大的得著, 是能夠認識到一班好好好好

好好好好, 好到無得再好既知心好友,

從來都無諗過做同事可以做到咁老友!

這些朋友, 真是我在這公司工作的最大得著!

好感謝上天, 給我一直遇到各方面的好朋友! 不論在公司,

還是其他的途徑, 雖然未必能一一盡錄, 但一定有你份的,

感謝關心盡在不言中, 我會努力去KEEP住

希望大家七老八十仲可以拿住拐杖出來嘆下茶,

傾下大家孫仔既趣怪野!

希望大家永遠都幸福快樂, 身體健康!

阿頭聽日開始會放五天假期, 希望佢同屋企人

去馬來西亞玩得開開心心啦!