Purple@moon

好開心呀！琴日入去錦田的”香港騎術學校”玩, 我們一行人二十四人, 大約

中午一點半左右在西鐵錦上路站C出口等。某部份朋友就自己入去在騎術學

校集合, 好熱鬧呢！

其中某些好朋友臨時來唔到, 唔駛唔開心, 我可以比資料你地同朋友仔再入去玩。

因為毛毛既朋友, 護士小姐佢生日呀！所以大家都有個折扣優惠, 每人都係

一百三十四元, 包參觀騎馬講座和BBQ, 玩左成日, 晚上七時半左右才散。我覺

得都幾抵玩既！

首先我地去聽一個講座, 介紹怎樣去分別馬, 原來分別馬主要是靠佢地面上的

花紋, 和毛髮來分別的。馬有六種色: 黑色, 灰色, 粟子色, 沙色, 棕色和深

褐色, 唉, 所以大家唔好發夢了, 呢個世界上係無”白馬王子”既….

因為世上根本無白馬, 我地見到以為係白色既馬, 其實係屬於灰色既種類！

不過唔怕, 無白馬王子, 但係都仲有黑馬王子丫嘛！哈哈哈！

講座中還介紹, 靴的種類, 一種是加快速度用的, 一種是用來整痕隻馬,

來訓練牠做一些花式舞步的, 而另一支用來吊住紅蘿蔔來訓練牠的步姿,

很有趣呢！2008年除了一般的賽馬外, 還會加入”馬沙馳”, “馬沙馳” 係一個

法文名稱, 即係馬匹的花式舞步,配合音樂來做一連串的指定動作, 而另一種是

馬球運動, 應該很好看吧！亦有很多關於馬的小常識, 真係唔講唔知！

還有介紹馬的頭套、韁繩、馬鐵 (用來比馬咬住, 可以給牠發力地跑)、馬鞍,

防護衣的等等…..還有教我們模擬上馬的動作, 怎樣上馬才叫安全, 馬匹也舒服。

首先給我們試範的係EDWARD先生, 他的動作和生鬼表情, 好攪笑呀！騎術員說他的

動作是非常正確的, 每人也要論著做好動作準備一會兒要騎真的馬匹。

呵呵！當然在沒有吃早餐和午飯的我, 動作非常輕盈, 上下馬也很有台型！

很有女騎師風範！

到馬房參觀時, 看到很多不同顏色的馬兒, 好開心, 這是我第一次真正近距離

接觸真的馬匹, 心情好緊張, 因為……真係好高, 好鬼死大隻, 個馬頭大到由我

個頭去到心口咁長…眼睛又好大隻, 摸落去軟軟綿綿, 好得意。原來馬係好怕醜

同溫馴的動物, 牠們看見陌生人會緊張, 領馬員教我們觀察馬兒, 如果馬兒的耳仔

直直的豎起, 代表牠們很開心, 很歡喜你。但如果當你行近馬兒, 牠的耳仔打

橫向後摺, 代表牠很緊張, 在介備的狀態, 心情不好….這時便不要接近馬兒,

因為牠們可能會發脾氣, 踢腿和出口傷人！XD 即係咬你一口, 還會向你的胸部埋手,

領馬員說, 咬到後胸口會瘀黑色, 腫三個月才能消退, 很可怕喔！

所以我們都很留心領馬員的講解, 安全至上嘛！不過馬兒都好像很喜歡我們似的！

我想可能是我們有紅蘿蔔在手, 有野食, 梗係FRIEND啦！佢地好似

真係認得, 會點頭做動作吸引我們餵牠紅蘿蔔, 其中有一隻, 領馬員說脾氣不好,

叫我們盡量不要太接近, 當我和EDWARD一起餵牠們吃紅蘿蔔時, 那脾氣不好的,

我們不敢接近, 於是沒有給牠, 牠好像很可憐似的, 不斷做動作和發出叫聲想拿紅蘿蔔,

好像小孩子要糖似的。結果, 我們給了牠一小件紅蘿蔔, 牠好像很高興。

跟著我們看到馬匹洗白白, 原來馬會有一種乾皮症, 令皮膚分秘出一種物體去

阻塞自己的毛孔, 令自己不能排汗, 所以每當牠們跑完便要用擦子洗白白, 讓毛

孔清潔, 乾皮症會令牠們體溫不斷上升, 繼而發燒, 休克然後至死。唔講唔知, 原來

馬匹是用澳寶沐浴露去白白豬的, 很香耶！

可能聽完領馬員的講解, 大家也有點害怕騎上這樣大隻的馬匹上, 初時有幾個女

孩子怕騎馬, 之後看到我們個個都騎得好開心, 結果都鼓起勇氣試下, 大家拍了不小照片。

騎真馬的感覺很好玩, 馬仔行得好穩, 馬蹄聲很好聽, 雖然騎左上去

覺得好高, 但原來騎真的馬, 上落的動作比模擬上馬容易, 摸住牠軟綿綿的後頸, 好可愛,

好真實。那時真的怕自己太重, 牠會很辛苦呢！騎完後我輕輕摸牠, 讚賞牠很乖,

牠好像聽得懂似的, 在擺馬尾！ ^O^

玩完之後大約四時四十分左右開始BBQ, 不過BBQ的食物種類不多, 有很多想

吃的好像都巳經沒有, 雞翼比較咸一點點, 這是美中不足的地方。不過這天真的

很好玩, 天氣也很好, 不太熱, 參觀過後讓我更了解馬匹, 馬是很有靈性的動物,

這次活動給我一個快樂和難忘的經驗！ ^O^/