琴晚同CA CA 食飯,好開心呀!終於見到佢穿制服,好斯文好OL。
見到CA CA整親隻手,我都覺得好痛呀!下次要小心D啦!
放好個杯麵先好倒滾水!
因為去開旺角新世紀廣場,於是決定用埋張COUPON換護膚品,
張COUPON原來要OVER個額先用得,結果換左兩支MASK
加一樽眼CREAM,補左二百四十蚊就走了。呢間野如果唔係有
COUPON我應該唔會買,勁貴又唔覺特別好效果,不過都唔差,
但我唔覺值咁既價錢囉!
行經另一間店舖,韓國化妝品牌的代言人-全知賢小姐,
化左個全新既妝容,好靚好野性。於是入去看看,好喜歡一支
啡金紅色的唇膏,好喜歡,不過結果都係忍住手無買到。
之後行去我好喜歡既一間CAFÉ-PANCAKE,這間店的總店其實
在銅鑼灣的,見旺角開左分店便決定一試。.
唉!旺角分店完全唔得,所以見到我呢篇文既朋友千萬千萬不要試,
因為真係好鬼難食,唔多好食巳經唔可以形容到昨夜我地食落肚的
食物了,只可以用勁難食來形容。
我們叫了一個二人套餐,入面包一個千島汁海岸PIZZA,一客意粉,
兩個湯,兩杯飲品和甜品泡芙。湯好油亦唔熱,似忌廉汁加暖水,可
能係海鮮PIZZA的關係,海鮮好”鯹”又唔夠熱,個底唔燶好白淨。
我杯熱梅子蜜似酸梅水,似梅味的水。全晚至好味我想是兩粒好似五
蚊咁大的朱古力泡芙!失望失望!
食飽飽後便和CA CA散步到信和睇DVD,因為想買”金三順”和”惡作劇之吻”的
日文版,那裡的優惠是買一套劇送一套韓語電影。我買了劇集回家,
“金三順”入面有四隻碟睇唔到,可能明天要落去信和換!雖然係咁,但
我都覺得好抵睇,反正那裡說有壞包換嘛! :D全站熱搜
留言列表