星期日一早約了CA CA 到荃灣圓玄學院還太歲，信則有不信則無，因為自己好信，亦但求安心，如果那年犯到太歲，例必都會去攝一攝，或許自己係八婆仔一名，試過有一兩年唔好無去攝，真係要幾衰有幾衰，上年攝左雖則都唔係好好，但都叫平平安安無穿無爛，係就係黑仔左小小，但因為攝左，個心自然安樂D，現在還埋神，即係舊的一年即將過去，新的一年快將開始，自己都安慰自己叫了左件心事。
琴日早上九時巳經排滿人籠，不過多人得來還可以接受，還神真係唔係好識，琴日打住電話問住媽咪，有專人指點係唔同D，大約十時四十五分巳經做好哂。
離開後，我倆去了翠華茶餐廳食左個靚早餐，飲杯回魂咖啡，即時精神哂。(星期六晚焗曲奇焗得太夜了，早上差一點起唔到身，實在很想睡！)
之後我倆到了旺角去整整頭髮過新年，我剪碎劉海，個樣當時睇都覺得好滿意，但今早睡醒便發覺個髮型打了折，怪怪的，還是自己還沒看得慣呢? 而CA CA的髮型我覺得佢整得好好睇，很適合她。
弄好後我們到朗豪坊逛一下，買了小小化妝品，我當然都買左小小，買化妝品梗係搵我比意見較好，因為必定有收獲，哈哈！買完東西便去出電話，今天可真大放血，不過考慮到電話壞了，聯略會很不方便，之前的那部電話也用了起碼三至四年了，最近出現收不到電話，和螢光幕出現問題，我估計我的電話應該命不久矣，最近又看到各電訊公司做優惠，於是出了一部價錢相宜的電話，亦轉了會，月費計劃較用開的便宜一點。電話雖然不是最新款，型號亦出了一段時間，但覺得很實用外型亦很美觀，這個牌子比較耐用而價錢亦不太貴，友人亦曾經用過覺得不錯，於是即時便作出明智的決定！
逛了一會便和CA CA 各自回家，之後到黃金買回一隻可卸除硬碟 (俗稱手指)，因為在做PROJECT的期間不見了。昨天見減價又有五年保養，買了一隻2G的。晚上約了男友和他的家人去打邊邊，到正斗豬骨煲食蕃茄薯仔湯底的豬骨煲。幾好味，他們的醬料都是混醬式，溝出來好惹味，不過價錢覺得唔抵，應該都唔會再去多次。
講開打邊邊，稻香、小肥羊都覺得不錯，遲D都想試埋譚魚頭和有骨氣，未知抵唔抵食同好唔好味呢?
新的一年即將開始，我這天似在送舊迎新似的，壞的壞，不見的不見了，所有東西都像重新來過一樣，連自己最近的一個決定也如是，雖然有點冒險，但不竟不試過，自己是不會甘心的，唯有同自己講，新一年新開始，希望事事如意，要好好把握新的機會吧！
留言列表
