又睇多次醫生了.... 今個月睇醫生用左唔小錢.....
為左荷包著想, 真係要做下運動同唔好比自己再病先得....
二百幾蚊真係夠我買件靚衫或者靚鞋....
仲要睇左幾次, 你話幾肉赤丫~~~~~~
醫生開既葯好利害....又消炎又抗生素等
一食完葯,我就暈鬼左咯! 一路訓一路訓....成個假期係咁訓....
算啦~ 當還番之前的睡眠負債吧!
其實我覺得食中葯好d, 因為中葯會清哂你d野出來
西葯就係按住, 但好大機會係未好哂的, 但表面好似好左...
所以之後又要再飲中葯調理身子至得....
可能唔舒服同呢排食太多葯的關係, 面色好難睇....
不過係咁訓係咁訓之後, 發覺自己個眼肚細左好多,同個眼圈無咁黑 
人在生病時係最軟弱的, 呢個時候就會越發覺
親人, 朋友, 愛人的關懷係好重要
一句問候, 一個電話, 一個msn
都令我會好感動....尤其當自己手軟腳軟
拿杯水飲都無力既時候....
爸爸的來電, 朋友的來電....
朋友買米線比我食, 買餃子比我食....
友人齊心要我介口, 唔準我食呢樣那樣....
都令我心入面好溫暖....
因為令我覺得自己仲有人記得.....
仲有人好關心我同愛錫我...
所以我要快d好番, 唔好要錫我既人担心我先得....
今次真係患病見真情!!!!!!!!
全站熱搜
留言列表
