情與義－Purple@moon

不經不覺巳經到左12月, 距離我既大日子約大二十天左右, 原來結婚真係好多濕濕碎碎既事要攪要跟, 早排真係超担心d野做唔哂, 又因為剛剛做左份新工作, 時間比較忙, 每天早出晚歸....然後每晚攪結婚既事攪到三點幾先有得訓....

在此真係好真誠又衷心的感謝我的一班好朋友, 佢地幫我攪一些部分, 幫我分担左不小....真係好感動, 十萬個感謝, 友情真係保貴, 雖然老土左d, 但真係當你需要人支持幫助時, 個個都兩脇插刀義不容辭的幫忙, 真係會令你心中一點甜...

特別鳴謝的各方好友, 排名不分先後:

幫我主力諗遊戲的美宝, 安排道具呀等, 仲要就時間得來又要就老人家, 怕會唔高興, 真係幾有難度的, 最記得佢一句: 丹,放心, 遊戲既事你交比我, 你唔駛担心的了...

幫我聯略姐妹開會的甜甜, 尤其次每一次通電話時都會問我, 仲有無野要我幫你睇, 有無野未攪掂? 又幫我睇兄弟既tie, 又幫我留意回禮禮物 (雖然後來我取消左回禮禮物呢一項, 但做sourcing係一件都幾花時間既事, 尤其現在返既工作時間令我更加無自己既時間) 甜甜每次都細心聆聽我呢個緊張大師bababababa....佢每次都好溫柔咁話:丹, 放心, 等我幫你睇,交比我啦, 我搵到就比email你, 放心, 唔好咁緊張~

感謝ca ca 提點我某些事, 樣樣叫我淡定d, 又幫我和姐妹做一個傳聲筒, 因為好多時我同佢通電話較多, 要靠佢同各姐妹溝通, 而過大禮那天又一早來幫我一齊打點下, 幫我一路度下我度到頭都爆既rundown....

謝謝表妹, 佢亦幫我接手最頭痛既事, 就係我度到頭爆既rundown 和check list, 那排可能太夜訓, 真係打到喊, 後來佢幫我接力, 精簡左我個表, 晚上和我通話商討細節, 又陪我個準老公去買餅卡同訂花車, 因為始終男仔攪呢d無咁細心, 同表妹講左我睇左既車同餅之後,因為準老公放假我無假放既關係, 表妹那天去埋跟一跟, 令我放心好多...仲有去酒樓傾細節, 有d野幫我攪掂我媽媽, 中和一下呢排攪婚禮攪到好狂燥既我....真係辛苦哂...

謝謝妹妹, 百忙之中都抽空安排我見化妝師同set 頭既髮型師, 仲有幫我又擺平下我媽媽爸爸, 盡量令佢地配合個rundown 同簡化一d 傳統禮節...我都明父母見女兒出嫁都會好開心, 始終佢地個大女, 即係我要結婚了, 都明白佢地會緊張d同要求高d...

謝謝caman一路的提點, 幫助, 例如婚禮要主意的事, 要諗著衫的次序等, 簽名枱既安排和報置, 有d婚禮常見小陷阱等...

Fanny 的關心, 當我告知想搵佢做姐妹時, 雖然佢平日工作都好忙, 佢一口答應

仲有佢提點車既安排, book酒店既細節等, 每當我晚上做到好夜, 佢會好關心我, 要我早d訓, 係我每一次攪結婚個表, 打到頭爆燥狂時, 佢既及時online, 令我情緒即時舒緩...哈哈哈...

仲有阿yee, 雖然好忙, 但都會抽時間同我見見面, 睇下有咩幫下手, 仲唔介意等我放工, 成九點幾先係又一城食飯仲要同兩個佢唔熟既人一起, 事緣係當天約左兩位舊同事食飯, 我都知我現在既時間真係超唔方便, 所以都好担心朋友們晚上就我吃飯會太夜, 畢竟明天一早她們還要上班...

謝謝Ida, 一口答應幫我做姐妹和 mc, 借了一些婚禮用的頭飾給我, 提點我一些要注意的事, 幫我一起選成長片段既相片, leo 幫我剪接...

感謝甘美, 我的好友, 因為呢排佢都好忙, 亦幫我轉交喜帖給阿lo和阿man, (很感謝她們的諒解, 因為時間上真係就唔到出來食飯, 變左要甘美代勞安排 )

感謝各姐妹的體諒, 因為手頭比較緊, 雖然未能包各姐妹的姐妹裙及化妝, 但大家一傾好用米白色, 大家都好好, 沒有反對或者要遷就的問題出現, 個個都好體諒我, 我深表歉意, 因為都想安排再好D, 但實在呢PART 為大家既安排唔係太周到, SORRY.

感謝各方好友的支持鼓勵, 未有在此提到既朋友及兄弟名單, 因為名單實在太長, 或許留待當晚致詞再講水蛇春咁長既感謝詞, 哈哈哈~

現在是晚上一點半, 我沖個涼又要再努力結婚當晚既細節check list了...

再一次感謝各位, 在心中, ＩLOVE YOU ALL